Нүүрний саажилт, ам муруйх (Беллийн саа) өвчний ботокс эмчилгээ

Бага байхад ийм яриа сонсож байсан байх.

Хүйтэн газар хэвтэж унтвал #нүүрний саажилт эсвэл #ам муруйх өвчин тусч, ам чинь муруйна гэж.

Үүнийг анагаах ухааны нарийн нэршлээр Беллийн саа (Bell's palsy) гэж нэрлэдэг.

Дээрх зурагт харуулснаар нүүрний мэдрэл нь 5 салаатай байдаг. Зураг дээр 4 харагдаж байгаа боловч хүзүү рүү явдаг дахин нэг мэдрэл бий.

Саажилт үүсэх үед дээрх зургийн баруун талын нүүр шиг амны булан унжих, нүдээ анихад хүндрэлтэй болох, духаа үрчийлгэж чадахгүй болох зэрэг шинж тэмдэг илэрдэг.

Ихэнх тохиолдолд аяндаа зүгээр болдог ч, бүрэн саажилтын дараах нөхөн сэргээх явцад дутуу эдгэрэх, мэдрэл хэт мэдрэг болох эсвэл хавсарсан хөдөлгөөн (synkinesis) үүсэх тохиолдол байдаг.

Энэ тохиолдолд нүүрний тэгш хэмийг тааруулахын тулд #ботокс тарилга хийлгэж, хоёр талыг ижил харагдуулах боломжтой.

Эмчилгээний хувьд эхлээд бага тунгаар ботокс ашиглан, саажилттай байгаад эдгэрсэн талын (ялангуяа булчин нь хэт чангарч буй хэсэгт) хэсэгт тарилга хийнэ.

Ингээд өвчтөний картанд тэмдэглэл хөтөлж, тунг нь бага багаар өөрчлөн зөвлөлдсөний үндсэн дээр тарина.

3-6 сарын зайтай ирж, тунг тохируулан эмчилгээгээ үргэлжлүүлж болно.